[center]
بعد 21 سنة من زواجي , اكتشفت بريق جديد من الحب.
من فترة طلعت مع امرأة غير زوجتي, وكانت الفكرة أصلا فكرة زوجتي اني اطلع معها
بإرادتها حكتلي .. بعرف كتير منيح قديش بتحبها... اطلع معها
المرة إلي حبت زوجتي إني أطلع معها كانت أمي . أمي الي ترملت من 20 سنة,
لكن مشاغلي وحياتي اليومية و3 أطفال ومسؤولياتي خلتني ما اشوفها إلا صُدف.
فاتصلت فيها وعزمتها عالعشا سألتني: أنت منيح .. فيك شي حبيبي ؟ '
لأنها مش متعوده على مكالماتي بوقت متأخر. فقلت لها:
'نعم أنا ممتاز لكني بدي .. بدي اطلع معك يا أمي '. قالت: ' نحنا بس انا وانت ؟! '
فكرت شوي ووافقت وحبت الفكره كتير
يوم الخميس المسا , مريت عليها وأخذتها, ولما وصلت. كانت بتستنا عند الباب لابسه فستان حلو.
اتبتسمت متل ملاك وقالت:
' قلت لكل جاراتي إني طالعه اليوم اتعشا مع إبني, وكلهم فرحولي,
وعم بستنو الأخبار يلي بدي احكيلهم ياها بعد رجعتي
اخدتها لمطعم مش عادي .. رائع وهادئ .. مسكت أمي بايدي وكأنها السيدة الأولى,
بعد ما قعدنا بديت أقرألها بقائمة الطعام لأنها ما بتقرأ إلا الحروف الكبيرة.
وانا بقرألها كانت تططلع فيي .. وابتسامة عريضة مرسومه على وجها .
قاطعتني وقالت .. كنت أقر ألك لك وأنت صغير'.
جاوبتها: أجا هلا موعد تسديد شوي من ديوني الك .. ارتاحي أنت يا أمي'.
حكينا كثير .. ما كان في أي شيء غير عادي, لكن اتذكرنا قصص قديمة وقصص جديدة
لدرجة أننا نسينا الوقت وتعدينا نص الليل ولما رجعنا ووصلنا لباب بيتها قالت:
موافقه إنا نطلع سوا مرة تانيه ,.لكن على حسابي'. قبلت دعوتها وبست ايدها وودعتها '.
بعد أيام توفت أمي .. توفت بنوبة قلبية ...
وبعد أيام وصلني عبر البريد ورقة من نفس المطعم إلي تعشينا فيه أنا وهي مع ملاحظة مكتوبة بخطها:
'دفعت فاتورة المطعم مقدماً .. أنا ما رح أكون موجودة معكم , المهم إني دفعت العشا لشخصين
الك ولزوجتك الرائعه .. يا ابني .. ما رح تعرف معنى وعظمة هالليلة إلي سهرتها معك بالنسبة لي.
بحبك يا ولدي .. الله يسعدك .
في هذه اللحظة فهمت وقدرت معنى كلمة بحبك ومعنى الحب
وضرورة إنا نخلي الطرف التاني يحس بهذا الحب.
ما في شي أهم من الوالدين .. خاصة الأم ..... أعطوهم الوقت إلي بستاهلو منكم ...
تحياتي
سوزان
موضوع: بعد 21 سنة من زواجي ,خرجت مع امراه غير زوجتي،هل هذة خيانة؟؟؟ 
الخميس يناير 22, 2009 4:22 am
